ចោរ៤នាក់ ប្រដាប់ដោយកាំភ្លើង និងពូថៅ ប្លន់ប្រជាពលរដ្ឋ យកមាស៤តម្លឹង និងលុយជិត៤០០ដុល្លារ

កំពង់ចាម៖ ក្រុមចោរ៤នាក់ ប្រដាប់ដោយកាំភ្លើងអាកា២ដើម ពូថៅ១ បានចូលប្លន់ ​ប្រជាពលរដ្ឋ​យកមាសអស់៤តម្លឹង និងលុយជិត៤០០ដុល្លារ នាវេលាម៉ោង ៨ និង៣០នាទី​យប់ថ្ងៃអង្គារ ទី២០ ខែកញ្ញា ឆ្នាំ២០១១​ នៅភូមិទ្រាខាងជើង ឃុំជប់ ស្រុកត្បូងឃ្មុំ ខេត្តកំពង់ចាម។

ប្រភពព័ត៌មានពីសមត្ថកិច្ចបានឲ្យដឹងថា កាលពីយប់មិញមានក្រុមចោរមួយក្រុម ប្រដាប់ដោយកាំភ្លើងអាកា២ដើម និងពូថៅ១ បានចូលគំរាមប្លន់ប្រជាពលរដ្ឋ យកមាសអស់៤តម្លឹង លុយខ្មែរ៥០ម៉ឺនរៀល និងលុយដុល្លារ ២៥០ដុល្លារ ក្រោយពេលប្លន់ក្រុមចោរទាំងអស់នេះ បានគេចខ្លួនដោយសុវត្ថិភាព តែមិនបណ្តាលឲ្យម្ចាស់ផ្ទះណាម្នាក់រងរបួសនោះទេ។

ដកស្រង់ចេញពីគេហទំព័រ ដើមអំពិល